مرافقة شخصية

الخروج من الديون والتعافي المالي

لما الديون أو القروض أو المينوس صاروا يقرّروا عنك كل شهر. منشوف الصورة كاملة سوا، منلاقي أذكى طريق للطلعة، ومنبني خطة بتقدر تعيش معها.

سعر مخصص*بين 6 و10 جلساتبالعربي أو بالإنجليزي

لمين هاي المرافقة؟

  • بتشتغل وبتتعب، وبآخر الشهر ما بضل إشي من معاشك
  • المينوس صار جزء طبيعي من كل شهر، وكل شهر بيكبر شوي
  • عندك كذا قرض أو دفعات بطاقة، وضيّعت الحساب شو لازم تسدّ أول
  • أول الشهر صار يحسّسك بضغط، مش بداية جديدة
  • بدك تعرف إذا توحيد القروض أو الميحزور فعلاً بيوفّر عليك
  • تعبت من الحلول المؤقتة وبدك خطة واضحة، بدون حكم

كيف منشتغل سوا

  1. نفهم الصورةالدخل، الالتزامات، مين معك بالبيت، وعلاقتك بالمصاري. بدون حكم، بس منشوف وين واقفين اليوم.
  2. وين بروحوا المصاري؟منمرق سوا على كشف الحساب والبطاقات، منصنّف المصاريف لفئات واضحة، ومنجمع كل الديون بمكان واحد: المينوس، الأشراي المتجلجل، التمويل والقروض. وكمان منقرأ قسيمة الراتب سطر سطر.
  3. منفحص كل قرضقديش ضايل، قديش الفايدة، قديش الدفعة الشهرية، وشو الإمكانيات الحقيقية لتوحيد القروض أو الميحزور.
  4. خطة السدادالترتيب الصح لتسكير الديون، وإذا بيسوى، خطة ميحزور مع الخطوات العملية بالبنك.
  5. ميزانية بتنعاشميزانية شهرية واقعية على أساس الدفعات الجديدة. مش ريجيم مالي، خطة بتترك مجال للحياة كمان.
  6. العادات والمستقبلمنشوف شو ماشي وشو بدو تصليح، منرتّب الپنسيا والكيرن هشتلموت، منبني صندوق أمان صغير، وبتطلع بخطة بتكمّل فيها لحالك وبثقة.

الترتيب مرن، ومنعدّله حسب اللي بتحتاجه.

شو بتاخذ

  • صورة أوضح للدخل والمصاريف والديون
  • خطة لتوحيد القروض أو تسكير المينوس، إذا بحاجة
  • أداة لتتبّع الدخل والمصاريف بشكل شهري
  • عادات مالية صحية أكثر
  • مرافقة بكل الطريق عالواتساب

كيف بينحسب السعر؟

* السعر بيعتمد على عدد الجلسات اللي بتحتاجها والقروض اللي رح نشتغل عليها.

المرافقة معمولة لتكون بمتناول الكل، وفي خصومات، فاحكي معي.

عبّي الفورم القصير تحت وببعتلك سعر شخصي.

أسئلة سريعة

رح تقولي أوقف أصرف على كل إشي؟ لأ. الميزانية اللي منبنيها بتترك مجال للأشياء المهمة إلك. وضوح مالي، مش حرمان.

المرافقة بس عن تسكير الديون؟ لأ. كمان منرتّب الپنسيا والكيرن هشتلموت ومنبني صندوق أمان صغير، عشان ما ترجع للمينوس.

اقرأ كمان

بدك عرض سعر شخصي؟

جاوب على كم سؤال قصير وبرجعلك بسعر.

Book a Session (AR)

Healthy Finances — وضوح مالي، مش حرمان.